Türkiyə İnstaqrama giriş qadağasını aradan qaldıracaq
Türkiyədə “Instagram” sosial şəbəkəsinə girişə qoyulan qadağa aradan qaldırılır.
Bu barədə ölkənin nəqliyyat naziri Əbdülkadir Uraloğlu məlumat verib.
“İnstaqrama giriş qadağası şənbə günü yerli vaxtla saat 21:30-da götürüləcək”, - deyə nazir X-də bildirib.
Türkiyədə məşhur olan resurs avqustun 2-də Texnologiya və Kommunikasiya Şurasının qərarı ilə bloklanıb. Türkiyə hakimiyyəti bu qərarın İnstaqramın sosial şəbəkələrdən istifadə ilə bağlı yerli qanunvericiliyi pozması səbəbindən verildiyini bildirib. Yerli mətbuatın yazdığına görə, Ankara bu addımı iyulun 31-də İranda Həmas Siyasi Bürosunun rəhbəri İsmayıl Haniyənin öldürülməsi ilə bağlı İnstaqramda başsağlığı mesajlarının bloklanması ilə bağlı atıb.
Türkiyənin Nəqliyyat Nazirliyinin rəhbəri bundan əvvəl İnstagram nümayəndələri ilə danışıqlar aparıb və o, şirkətin mövcud qanunvericiliyə əməl etməsinin vacibliyini və zorakılıq, intihara çağırış, narkotik vasitələrdən istifadə və digər halları təbliğ edən materialların yerləşdirilməsinin yolverilməz olduğunu bildirib.
