Efiopiyada torpaq sürüşməsi nəticəsində ölənlərin sayı 229 nəfərə çatıb
Efiopiyanın cənubunda torpaq sürüşməsi nəticəsində 229 nəfər həlak olub.
"Agence France-Presse" xəbər verir ki, bundan əvvəl 157 nəfərin öldüyü bildirilirdi.
Torpaq sürüşməsi ölkənin cənubundakı Geze-Qofa bölgəsində baş verib. Efiopiya hazırda iyul ayında başlayan və sentyabrın ortalarına qədər davam edəcəyi gözlənilən yağışlı mövsümün ortasındadır. Şərqi Afrika ölkəsinin bəzi yerlərində davamlı yağışlar bəzən sürüşmələrə səbəb olur.
