"Bitkoin"in qiyməti 68 min dollardan aşağı düşdü
"Bitcoin"in qiyməti dünən rekord səviyyəyə - 73 min 750 dollara çatdıqdan sonra mənfəət satışlarına görə azalaraq 68 min dollardan aşağı düşüb.
"Coinmarketcap" analiz şirkətinin məlumatlarına görə, "Bitcoin" də daxil olmaqla qlobal kriptovalyuta bazarının dəyəri 24 saat ərzində 7,3 faiz azalaraq 2 trilyon 560 milyard dollara düşüb.
Analitiklər bildirirlər ki, "Bitcoin" və digər kriptovalyutaların qiymətlərindəki eniş çoxdan gözlənilən korreksiya ilə bağlıdır.
Dünən səhər 73 min 750 dollar səviyyəsinə yüksələn "Bitcoin" bu gün etibarilə son 24 saatda yüzdə 6,7-dən çox azalma ilə 67 min 750 dollar səviyyəsinə düşüb.
Bitcoin keçən il təxminən 157 faiz dəyər qazanıb.
Aprel ayında baş verəcək və yeni "Bitcoin" tədarükünü azaldacaq yarıya enmə prosesinə əlavə olaraq, 11 yanvarda ticarətə açılan spot Bitcoin mübadiləsi fondlarına (ETF) investisiyaların da Bitcoin-in qiymət yüksəliş sürətini dəstəkləməyə davam edəcəyi gözlənilir.
Bazar dəyərinə görə 2-ci yerdə olan "Ethereum" son 24 saatda yüzdə 6,3 dəyər itirərək 3 min 692 dollar səviyyəsinə düşüb. "Ethereum" da 2021-ci ildə 4800 dollardan yuxarı qalxaraq rekord qırdı.
