Serj Aurier "Qalatasaray"da
"Qalatasaray" İngiltərənin "Nottingem Forest" komandasında çıxış edən Fil Dişi Sahili sağ cinah müdafiəçisi Serj Aurierlə anlaşıb. Sarı-qırmızılılar fil dişli futbolçunu təmənnasız olaraq heyətinə qatıb.
31 yaşlı futbolçu bu mövsüm Premyer Liqada 12, İngiltərə Liqa Kubokunda 1 oyun olmaqla ümumilikdə 13 rəsmi matçda iştirak edib və 2 məhsuldar ötürmə ilə yadda qalıb.
Fil Dişi Sahilinin futbolçusu daha əvvəl karyerasında Lens, Tuluza, Paris Saint-Germain, Tottenham və Villarreal klublarında çıxış edib.
