Mətbuat və insan haqları təşkilatları Baydenə jurnalistlərlə bağlı məktub yazdı
Jurnalistləri Müdafiə Komitəsi (CPJ) ilə yanaşı, Freedom House, Mətbuat Azadlığı Fondu, Human Rights Watch, Kolumbiya Universitetinin Knight First Adendment İnstitutu və Sərhədsiz Reportyorlar təşkilatı prezident Baydenə məktub yazıb.
Oktyabrın 7-dən bu yana İsrail, Qəzza və Livanda ən azı 79 jurnalist və media işçisinin öldürüldüyü qeyd edilən məktubda deyilir: “Administrasiyanız münaqişələrdə jurnalistlərin öldürülməsinə görə məsuliyyət proseslərini effektiv şəkildə izləməyə, hadisələr haqqında məlumat verən yerli və beynəlxalq jurnalistləri dəstəkləyəcəyinə və daha çox şey edə biləcəyinə inanırıq".
Məktubda həmçinin Baydendən Amerika silahlarının və İsrailə hərbi yardımın son istifadəsinə dair hərtərəfli, şəffaf və ictimai qiymətləndirmələr aparmağa çağırılıb və İsrail və Misirdən beynəlxalq jurnalistlərin Qəzzaya girməsinə icazə verməsi və İsrailin rabitə kəsilməsinə son qoyulması tələb olunub.
Qəzzada hökumətə bağlı Media Ofisindən verilən açıqlamada, 7 oktyabrdan başlayan münaqişə zamanı öldürülən jurnalistlərin sayının 115-ə yüksəldiyi qeyd edilib.
