Çində daşqın və torpaq sürüşməsi: 7 nəfər ölüb, 3 nəfər itkin düşüb
Çinin Yulin şəhərində güclü yağışın səbəb olduğu sel və torpaq sürüşmələrində 7 nəfər həyatını itirib, 3 nəfər isə itkin düşüb.
Quandun əyalətində seldən sonra bir fermada olan 75 timsahın sel sularına qərq olduğu bildirilir. Ətrafdakı insanlara evdən çıxmamaları barədə xəbərdarlıq edilib.
Quanqsi Çjuanq Muxtar Bölgəsində yerləşən Yulin şəhərində son 3 gündə təsirli olan şiddətli tufan sel və torpaq sürüşməsinə səbəb olub. Küçə və prospektlər su altında qalıb, 115 yerdə sürüşmə baş verib.
Çin Meteorologiya İdarəsi güclü yağışların bu gün və sabah Quanqsinin cənub və cənub-şərq bölgələrində təsirli olacağı barədə xəbərdarlıq edib.
