İki rayona yeni icra başçısı təyin edildi
Prezident İlham Əliyev Xaçmaz Rayon İcra Hakimiyyətinə yeni başçı təyin edib.
Ölkə başçısının sərəncamı ilə Elnur Şahbaz oğlu Rzayev Xaçmaz Rayon İcra Hakimiyyətinin başçısı təyin edilib.
Digər sərəncamla Anar Aqil oğlu Tağıyev Yevlax Şəhər İcra Hakimiyyətinin başçısı təyin edilib.
Elnur Rzayev (1980-ci il təvəllüdlü) bu təyinatadək Gəncə şəhər İcra Hakimiyyəti başçısının I müavini idi.
Anar Tağıyev (1981-ci il təvəllüdlü) isə Nəsimi rayon İcra Hakimiyyəti başçısının müavini idi.
