Zelenski: Rusiya tərəfi ilə danışıqlar mərhələsinin yenidən başlayacağını düşünürəm
Ukrayna Prezidenti Volodimir Zelenski müharibəni bitirmək üçün Rusiya ilə danışıqların yenidən başlayacağını düşündüyünü bildirib.
AFN.az xəbər verir ki, Ukrayna dövlət başçısı bu barədə danışarkən "Ruslara formatı seçmək imkanı veririk" ifadəsini işlədib.
Zelenski Kiyevdə rəsmi təmaslarda olan Honduras Prezidenti Nasri Asfura ilə iş otağında bir araya gəlib.
İkitərəfli görüşlərdən sonra mətbuat nümayəndələrinin suallarını cavablandıran Zelenski Rusiya-Ukrayna müharibəsi ilə bağlı son vəziyyəti də dəyərləndirib.
Zelenski Fransanın ev sahibliyi ilə keçirilən G7 sammiti çərçivəsində ABŞ Prezidenti Donald Tramp ilə görüşdüyünü xatırladıb.
Bu görüşdə hava hücumundan müdafiə sistemləri üçün raketlər istehsal etmək məqsədilə ABŞ-dan lisenziya tələb etdiklərini çatdıran Zelenski müsbət cavabla qayıdacaqlarına ümid etdiyini deyib.
Rusiyanın müharibəni bitirmək istəmədiyini müdafiə edən Zelenski heç kimin Rusiya Prezidenti Vladimir Putinin masaya oturub müharibəni dialoq yolu ilə bitirmək istədiyini görmədiyini vurğulayıb.
Müttəfiqlərin müharibəyə son qoyulması üçün Rusiya üzərindəki təzyiqi artırmalı olduğunu qeyd edən Zelenski müharibənin ən qısa müddətdə bitməsini istədiyini söyləyib.
Bunun üçün sanksiyaların zəruri olduğunu vurğulayan Ukrayna lideri Prezident Trampın bu sanksiya siyasətinə geri dönəcəyini bildirdiyini və bunun yaxşı bir siqnal olduğunu ifadə edib.
Müharibənin dayandırılması üçün Rusiya ilə görüşlərin yenidən başlamasının vacibliyinə toxunan Zelenski Rusiya tərəfi ilə danışıqlar mərhələsinin yenidən başlayacağını düşündüyünü qeyd edib.
Ehtimal olunan danışıqlarda ABŞ və Avropanın da iştirak etməsini istədiklərini və bunun üçün uyğun bir formatın tapılmalı olduğunu bildirən Zelenski ruslara formatı seçmək imkanı verdiklərini vurğulayıb.
Belarusun Ukraynaya açılan atəşi koordinasiya edən hərbi sistemlərini öz torpaqlarından çıxarmasını tələb edən Zelenski müharibənin əvvəlində Belarus ərazisindən Ukraynaya hava hücumları təşkil edildiyini, Belarus Prezidenti Aleksandr Lukaşenkonun daha sonra ona zəng edərək üzr istədiyini və baş verənlərin onun nəzarətində olmadığını dediyini qeyd edib.
Lukaşenkonun bu açıqlamasına inanmadığını ifadə edən Zelenski Belarusdan çox sayda raket atıldığını, onun isə sonradan zəng edərək üzr istədiyini və bunun nəzarətində olmadığını söylədiyini, buna inanmasa da, onun bu sözləri dediyini bildirib.
Zelenski hazırda Rusiyanın onu bu müharibəyə itələməyə davam edəcəyini və artıq Ukraynanın cavab verəcəyini anladığını dilə gətirib.
Çıxışında həmçinin Rusiyanın Bryansk vilayətində Belarusdan olan uşaq futbol komandasını daşıyan avtobusa yönəlik PUA hücumuna da toxunan Zelenski bu hücumun Ukrayna tərəfindən təşkil edilmədiyini qeyd edərək rusların Belarus xalqını bu müharibəyə cəlb etmək üçün bir çox fərqli təxribatlar törədəcəyini və bunun da həmin təxribatlardan biri olduğunu müdafiə edib.
Ukrayna sərhədinə yaxın Belarus torpaqlarında ölkəsinə qarşı hücumları koordinasiya edən hərbi sistemlərin olduğunu idarə edən Zelenski Ukrayna sərhədindəki iki bölgə boyu uzanan torpaqlarda xalqına açılan atəşi koordinasiya edən hərbi texniki vasitələrin yerləşdiyini və onun həmin vasitələri oradan çıxarmalı olduğunu vurğulayaraq bunu etmək üçün bir həftəlik vaxtın ona kifayət edəcəyini düşünürəm deyib.
Belarusun sözügedən sistemləri yığışdırmayacağı təqdirdə Ukraynanın hərəkətə keçəcəyini bildirən Zelenski hazırda buna görə hər gün dinc sakinlərin öldüyünü, uşaqların yaralandığını və əgər o bunu etməsə, özlərinin edəcəyini bəyan edib.
