Gürcüstanda baş verən torpaq sürüşməsində 4 nəfər ölüb
Gürcüstanda yol tikintisində baş verən torpaq sürüşməsi səbəbindən 4 işçinin həyatını itirdiyi, 1 işçinin yaralandığı bildirilib.
Gürcüstan Avtomobil Yolları İdarəsi tərəfindən yayılmış açıqlamada bildirilib ki, Mtsxeta-Mtianeti bölgəsinin Duşeti bələdiyyəsinə daxil olan Tskere kəndi yaxınlığında yol tikintisi zamanı torpaq sürüşməsi baş verib.
Açıqlamada torpaq sürüşməsi nəticəsində 5 işçinin torpaq altında qaldığı qeyd edilib.
Bir işçinin xilas edildiyi, 4 işçinin isə həyatını itirdiyi vurğulanıb. Açıqlamada həmçinin işçilərin Türkmənistan və Çin vətəndaşları olduğu bildirilib.
