Tramp ABC və NBC-ni Demokratların “virtual silahı” adlandırdı
ABŞ prezidenti Donald Tramp yenidən ABC və NBC telekanallarını tənqid edərək onları Demokratlar Partiyasının “virtual silahı” adlandırıb.
AFN.az xəbər verir ki, o bu barədə "Truth Social"da yazıb.
“Xüsusilə ABC və NBC — fəlakətdir, Demokratlar Partiyasının virtual silahıdır. Onlar radikal solun lehinə qanunsuz kampaniya aparan qurum kimi qəbul edilməlidir”, — deyən Tramp həmin media subyektlərindən saxta xəbərlərin azaldılmasını tələb edib.
Xatırladaq ki, Tramp bundan əvvəl də ABC və NBC-nin yayım lisenziyalarının ləğvini dəstəklədiyini bildirmişdi. O, fikrini onunla əsaslandırmışdı ki, bu kanallar onu tənqid edir və Demokratlar Partiyasının maraqlarını təşviq edirlər.
