Putin: “Poseydon” nüvə torpedası uğurla sınaqdan keçirildi
Rusiya Prezidenti Vladimir Putin bildirib ki, radioaktiv sunami yaratmaq gücünə malik olduğu deyilən "Poseydon" nüvə enerjili sualtı torpedası uğurla sınaqdan keçirilib.
Putin sınağın böyük uğur olduğunu söyləyərək, silahın həm daşıyıcı sualtıdan atılan mühərriki ilə, həm də nüvə enerji bloku ilə işlədiyini vurğulayıb. O, belə bir texnologiyaya başqa heç bir ölkənin malik olmadığını bildirib.
"Poseydon"-a dair ictimai açıqlanan məlumatlar məhdud olsa da, ekspertlər bu silahın okeanda radioaktiv dalğalar yaradaraq sahil şəhərlərini yaşanmaz hala gətirə biləcəyini qeyd edirlər.
Bulletin of the Atomic Scientists jurnalına görə, torpeda dəniz dibində baş verən böyük miqyaslı partlayışlarla radioaktiv okean qabarmaları yarada biləcək gücdədir.
Putinin bəyanatı ABŞ Prezidenti Donald Trampın Moskvanın qısa müddət əvvəl həyata keçirdiyi nüvə raketi sınağını “səhv” adlandırmasından cəmi bir neçə gün sonra gəlib.
Tramp bu yaxınlarda ABŞ-ın “Rusiya sahillərində patrul xidməti göstərən nüvə sualtı qayığı” olduğunu da açıqlayıb.
Qeyd edək ki, Rusiya ötən həftə “Burevestnik” adlı nüvə mühərrikli səyyar raketinin uğurlu sınağını da elan etmişdi. Moskva bu raketin heç bir müdafiə sistemi tərəfindən qarşısı alına bilməyəcəyi iddiasını irəli sürüb.
