ABŞ hərbi helikopteri və qırıcı təyyarəsi qəzaya uğrayıb
Cənubi Çin dənizində ABŞ hərbi helikopteri və qırıcı təyyarəsi qəzaya uğrayıb. Göyərtədəki beş ekipaj üzvünün hamısı sağ xilas edilib.
ABŞ Sakit Okean Donanmasının açıqlamasına görə, adi missiya çərçivəsində nüvə enerjisi ilə işləyən USS Nimitz təyyarədaşıyan gəmisindən havaya qalxan MH-60R Sea Hawk helikopteri və F/A-18 Super Hornet qırıcı təyyarəsi dünən təxminən yarım saat fərqlə Cənubi Çin dənizinə düşüb.
Yerli vaxtla saat 14:45 ilə 15:15 arasında baş verən qəzalardan sonra təyyarədən atış oturacaqlarından istifadə edərək katapult edən iki pilotun və helikopterdəki üç ekipaj üzvünün sağ xilas edildiyi açıqlanıb.
Xilas edilən personalın sağlamlıq vəziyyətinin yaxşı olduğu bildirilib və qəzaların səbəbini müəyyən etmək üçün ətraflı araşdırma başlanılıb.
