Buxarest Kiyevə 20 dəfədən çox hərbi yardım göndərib
Buxarest Kiyevə 20-dən çox hərbi yardım göndərib.
AFN.az xəbər verir ki, bu barədə Rumıniyanın milli müdafiə naziri İonut Moştyanu "Euronews România" telekanalına müsahibəsində bildirib. Onun sözlərinə görə, məlumatlar məxfiləşdirilib, çünki müvafiq qərarı Rumıniyanın ali rəhbərlərini və hüquq-mühafizə orqanlarının rəhbərlərini birləşdirən ölkənin Ali Müdafiə Şurası verib.
“Şəxsən mən şəffaflığın tərəfdarıyam, bacarsam sabah bu məlumatları açıqlayaram”, - deyə müdafiə naziri bildirib.
"Bu yanaşma idi, bu, ötən illərin ətalətidir, şuranın keçmiş tərkibinin yanaşmasıdır" - deyən nazirin fikrincə, şurada müzakirə aparılmalı və hökumətin müvafiq qərarlarından məxfiliyin çıxarılması barədə qərar qəbul edilməlidir.
Moştyanu bildirib ki, Rumıniya Müdafiə Qərargahı ilə Ukrayna hərbi hakimiyyət orqanları arasında Kiyevin ehtiyac duyduğu və Buxarestin göstərə biləcəyi yardımla bağlı dialoq davam edir.
“Biz ora onların ehtiyac duyduqlarını və burada olanları göndərdik, patron və dəbilqələrdən tutmuş tanklara və Patriot raketlərinə qədər. Avropa Komissiyasından qismən alınmış və alınacaq kompensasiyanı gözləyirik", - deyə nazir əlavə edib.
