Yapon şirkətləri ABŞ tariflərindən gələn xərcləri azaltmaq üçün bunu edirlər
Yaponiya şirkətləri ABŞ-ın ticarət tariflərinə görə xərcləri azaltmaq üçün tədarükçülər axtararkən süni intellektdən getdikcə daha çox istifadə edirlər.
Fujitsu müvafiq proqramların tərtibatçılarından biridir. Onun sistemi dünya üzrə tədarükçülər haqqında böyük həcmdə məlumat toplayır, o cümlədən tarif dərəcələri, qarşı tərəflərin etibarlılığı və digər məlumatlar yığır.
Təhlillərə əsaslanaraq, süni intellekt minimum tarif xərcləri ilə sabit təchizatı təmin etməyə kömək edəcək təchizatçıları və təchizat marşrutlarını tövsiyə edir.
Toshiba da oxşar xidməti təqdim edir. Onun mütəxəssisləri müxtəlif ölkələrdə tariflər haqqında məlumatlardan istifadə etməklə müəyyən bir məhsulun alınması xərclərini avtomatik göstərən sistem yaradıblar.
