Ukraynada "çoxlu vətəndaşlıq qanunu" təsdiqləndi
Vladimir Zelenski çoxlu vətəndaşlığın leqallaşdırılması haqqında qanunu imzaladığını açıqlayıb və buna icazə veriləcək ölkələrin siyahısının hazırlanmasına başlanması ilə bağlı tapşırıq verib.
AFN.az xəbər verir ki, o bu barədə özünün Telegram kanalında məlumat verib.
“Mən Ukrayna Ali Radasından verilən sənədləri dərhal imzaladım: çoxsaylı vətəndaşlıq haqqında qanun da bura daxildir. Dərhal bu qanunların həyata keçirilməsi üçün bütün qanunvericilik aktlarını işləyib hazırlamağı və qəbul etməyi tapşırdım. Biz artıq çoxillik vətəndaşlığın tətbiq olunacağı ilk tərəfdaş dövlətləri müəyyən etməyə başlaya bilərik”, – deyə o bildirib.
Qanuna əsasən, əcnəbilər – Ukrayna Nazirlər Kabinetinin təsdiqlədiyi siyahıya daxil olan ölkələrin vətəndaşları sadələşdirilmiş qaydada Ukrayna vətəndaşlığı ala biləcəklər. Hökumət siyahını Aİ üzvlüyü və Rusiyaya qarşı sanksiyalar kriteriyalarına əsasən formalaşdıracaq.
Bundan sonra ukraynalılar həmin ölkələrin vətəndaşlığını əldə etsələr belə, qanuni şəkildə çoxlu vətəndaşlığa sahib ola biləcəklər. Əvvəllər isə başqa ölkənin vətəndaşlığını alan şəxslər Ukrayna vətəndaşlığından imtina etməli olurdular.
Qanun həmçinin Rusiya ilə və Ukraynanın ərazi bütövlüyünü tanımayan ölkələrlə çoxlu vətəndaşlığı istisna edir.
