Liviya MBH qüvvələri etirazçılara atəş açıb
Liviya Milli Birlik Hökumətinin qüvvələri ölkənin baş naziri Abdelhamid Dbeibahın qərargahı yaxınlığında toplaşan etirazçılara atəş açıb.
"Libya Press" agentliyinin məlumatına görə, minlərlə nümayişçi şəhərin mərkəzindəki Yaşıl Meydanda toplaşıb.
"Dbeibah hökumətinin istefasını tələb edən etirazçılar prezident şurasının binası qarşısında gülləbaran edilib", - agentliyin Telegram kanalında deyilir.
Eyni zamanda Liviyanın əl-Əhrar telekanalı öz X səhifəsində Tripolidə Liviya Milli Birlik Hökumətinin rəhbərinə naməlum şəxslər tərəfindən hücum edildiyini bildirib. Etirazçılar Əli əl-Cəbarinin maşınına atəş açıblar, lakin o, sağ qala bilib. Hadisənin dəqiq yeri, hücum edənlərin ehtimal olunan şəxsiyyətləri və motivləri barədə hələlik məlumat yoxdur.
