Pakistan Hindistanın təcavüzü barədə BMT-yə məlumat verib
Pakistanın BMT-dəki (BMT) Daimi Nümayəndəliyi Hindistanın “açıq-aşkar təcavüzü” barədə BMT-nin baş katibinə, BMT Baş Assambleyasının sədrinə və BMT Təhlükəsizlik Şurasının sədrinə məlumat verib.
Məsələ ilə bağlı Pakistanın BMT-dəki daimi nümayəndəliyindən açıqlama verilib.
Açıqlamada bildirilib ki, Pakistanın baş naziri və xarici işlər nazirinin tapşırığına əsasən Pakistanın BMT-dəki daimi nümayəndəsi Asim İftixar Əhməd BMT-nin baş katibini, BMT Baş Assambleyasının və BMT Təhlükəsizlik Şurasının sədrini Hindistanın Pakistanın suverenliyinə və beynəlxalq hüquqa, beynəlxalq sülhü və təhlükəsizliyi təhdid edən açıq təcavüzü barədə məlumatlandırıb.
Bəyanatda deyilir ki, Pakistan BMT Nizamnaməsinin 51-ci maddəsində nəzərdə tutulan özünümüdafiə hüququnu qorumaq üçün istənilən vaxt və yerdə təcavüzə lazımi şəkildə cavab vermək hüququnu özündə saxlayır.
