Yunanıstanda son dörd gündə 200-dən çox zəlzələ baş verib
Yunanıstanın Santorini adasında zəlzələ baş verib.
AFN.az-ın xəbərinə görə, məlumatı CNN yayıb.
Bildirilir ki, son dörd gündə Egey dənizində Santorini və Amorgos arasında 200-dən çox zəlzələ qeydə alınıb. Buların ən güclüsü 4,6 bal olub.
Santorinidə zəlzələlər bu gün də davam edib. Təkanlar kiçik və ya zəif hesab edilsə də, hakimiyyət Santorini, həmçinin Amorgos, İos və Anafidəki məktəbləri bağlayıb.
