Türkiyədə iki hərbi helikopterin toqquşması nəticəsində 6 nəfər ölüb
Türkiyənin İsparta vilayətində iki hərbi helikopter toqquşub.
AFN.az xəbər verir ki, bu barədə Türkiyə Müdafiə Nazirliyi məlumat yayıb. Hadisə nəticəsində 6 hərbçi həlak olub.
Ölənlər arasında briqada generalı, quru qoşunları aviasiya məktəbinin rəisi də var.
Bundan əvvəl əyalət qubernatoru Abdullah Erin 5 əsgərin öldüyünü bildirmişdi.
Helikopterlərdən biri yanacaqdoldurma məntəqəsinin yaxınlığında qəzaya uğrayıb. Hadisə yerinə yanğınsöndürmə briqadaları göndərilib. Helikopterin qəzaya uğradığı yerdə baş verən yanğın tez bir zamanda söndürülüb.
