Qəzzadan Əbu-Dabiyə 85 nəfərin tibbi təxliyəsi həyata keçirilib
Ümumdünya Səhiyyə Təşkilatının (ÜST) baş direktoru Tedros Adhanom Qebreyesus Qəzzadakı 85 xəstə və ağır yaralının xüsusi qayğı üçün Birləşmiş Ərəb Əmirliklərinin (BƏƏ) paytaxtı Əbu-Dabiyə tibbi olaraq təxliyə edildiyini açıqlayıb.
Qebreyesus özünün X sosial media hesabında İsrailin intensiv hücumları altında olan Qəzzadan tibbi evakuasiya ilə bağlı paylaşım edib.
“Qəzzadan 85 xəstə və ağır yaralı, o cümlədən 35 uşaq xüsusi qayğı üçün bu gün Əbu-Dabiyə təxliyə edilib” - deyə o bildirib. Qebreyesus bəyan edib ki, bu son dərəcə mürəkkəb birgə təxliyə BƏƏ Xarici İşlər Nazirliyi, ÜST və onların tərəfdaşları tərəfindən dəstəklənib.
