Rusiyada 10400-dən çox evi su basıb
Rusiya Fövqəladə Hallar Nazirliyi suyun səviyyəsini artıran qarın əriməsi nəticəsində ölkə üzrə 10 400-dən çox evin su altında qaldığını açıqlayıb.
Başlanğıcını Ural dağlarından götürərək Xəzər dənizinə axan Ural çayının səviyyəsi cümə günü cəmi bir neçə saat ərzində bir neçə metr qalxaraq Orsk şəhərində bəndi aşıb.
Rusiya Fövqəladə Hallar Nazirliyi Sibir, Volqa və ölkənin mərkəzi rayonlarında daşqınlar baş verdiyini açıqlayıb.
39 regionda 10 400-dən çox evin su altında qaldığı açıqlanıb.
