Təyyarələrdən atılan yardım paketləri nəticəsində 18 fələstinli həyatını itirib
HƏMAS Qəzza zolağına təyyarələrlə göndərilən yardımın səhv nöqtələrə boşaldılması səbəbindən 18 fələstinlinin həyatını itirdiyini açıqlayıb.
HƏMAS-a bağlı hökumətin Qəzzadakı Media Ofisindən verilən açıqlamada təyyarələrdən atılan və dənizə düşən yardımı eldə etmək istəyən fələstinlilərdən 12-nin boğularaq, 6-nın isə izdiham nəticəsində həyatını itirdiyi bildirilib.
Açıqlamada təyyarələrin atdığı yardımların bir hissəsinin dənizə, bir hissəsinin isə təhlükəli bölgələrə düşdüyü vurğulanıb və bu vəziyyətin yardıma çatmaq istəyən fələstinlilərin həyatını təhlükəyə atdığı vurğulanıb.
Bu barədə Qəzzaya hava yardımı göndərən bütün ölkələrə daha əvvəl xəbərdarlıq edildiyi, lakin vəziyyətin təkrarlandığı bildirilib.
