İslandiya Meteorologiya İdarəsi: Lava axını yavaşlayıb
İslandiya Meteorologiya İdarəsi (IMO) Faqradalsfjall vulkanının Sundhnukagigar kraterində baş verən partlayış nəticəsində başlayan lava axınının yavaşladığını və dənizə çatma ehtimalı görmədiklərini açıqlayıb.
IMO-nun verdiyi açıqlamada, “Cənub lava sərhədi Sudurstrandarvegur magistral yolundan 250 metrdən azdır. Bu gün günortadan sonra lavanın irəliləmə sürəti saatda təxminən 12 metr olub ki, bu da bu günün əvvəlində ölçüləndən xeyli yavaşdır. Sürət dəyişməzsə, lava təxminən 20 saata Sudurstrandarvegura çatacaq. Lava dənizə çatmaq üçün daha 350 metr yol getməli olacaq. Lava dənizə çatarsa, lavanın sürətlə soyuması təhlükə yarada bilər. Əvvəlcə piroklastiklik və qazların, xüsusən də hidroklor turşusunun (HCl) əmələ gəlməsi təhlükəsi olacaq. Lavanın dənizlə təmas nöqtəsindən təxminən 500 metr radiusda vəziyyət həyat üçün təhlükə yaradacaq. Məsafə artdıqca risk azalır və 3 kilometrdən çox məsafədə olur” qeyd olunub.
IMO bu ehtimalın baş vermə ehtimalının az olduğunu vurğulayaraq, “Lavanın dənizə çatma ehtimalının az olduğu düşünülür. Günortadan sonra lavanın irəliləmə sürətinə (saatda 12 metr) əsasən bu, təxminən iki gün çəkəcək. Püskürmə davam etdikcə, bu ssenariyə hazır olmaq hələ də vacibdir, çünki sonradan yarana biləcək şərait təsirə məruz qalan ərazidə yaşayanların həyatı üçün təhlükə yaradır” bildirilib.
