Şotlandiya narkotikdən ölümə görə Avropada liderdir
Şotlandiya Avropa ölkələri arasında narkotiklə bağlı ən yüksək ölüm göstəricisinə malikdir.
AFN.az-ın xəbərinə görə, "Sky News" yerli statistikaya istinadən xəbər verir ki, indi Şotlandiyada hər gün üç nəfər narkotikdən ölür. Bu, Avropanın istənilən ölkəsi ilə müqayisədə xeyli yüksəkdir.
2022-ci ildə Şotlandiyada 1051 nəfərin narkomaniya nəticəsində öldüyü dəqiqləşdirilib. 2020-ci ildə qeyri-qanuni maddələrin qurbanı olan 1339 nəfər ölkədə vəziyyətin pik həddə çatdığı dövr olub.
25-55 yaşlı kişilər arasında ölüm halları azalıb, lakin qocalar, eləcə də qadınlar arasında ölüm halları artıb.
Şotlandiya Milli Arxivinin əhali statistikasının rəhbəri Julie Ramsey deyib ki, narkomaniyadan ölüm halları 2013-cü ildən bəri xüsusilə kəskin artıb.
Statistikaya görə, insanların çoxu bir neçə dərmanın kombinasiyası nəticəsində ölür. Eyni zamanda, kokain yeganə maddədir ki, insan ölümünə səbəbdə olan payı 2021-ci ildəki 30,3%-dən 2022-ci ildə 35,3%-ə yüksəlib.
Hər beş ölümdən dördü heroin, morfin və kodein opiatlarından ibarətdir.
2020-ci ildə Şotlandiyada narkomaniyadan 1339 nəfər ölüb ki, bu da əvvəlki ildən 75 nəfər çoxdur.
Şotlandiyada narkotik böhranı onilliklərdir davam edir, ölümlər 1980-ci illərdə artmağa başlayıb. Narkotiklərdən ölüm halları 2015-ci ildə on il əvvəllə müqayisədə iki dəfə artıb. Bu göstəriciyə görə Şotlandiya hətta ABŞ-ı da qabaqlayır.
İyul ayında İtaliyanın hüquq-mühafizə orqanlarının əməkdaşları Siciliyada təxminən 2 ton ağırlığında və 400-450 milyon avro dəyərində böyük bir kokain partiyasını məhv ediblər.
