Britaniya ordusu böhranla əlaqədar olaraq ərzaq banklarına müraciət etməyə başlayıb
Bir sıra hərbçilər və onların ailələri ölkədəki yüksək inflyasiya və yaşayış xərcləri böhranı səbəbindən ərzaq banklarından istifadə etmək məcburiyyətində qalıblar.
AFN.az xəbər verir ki, bu barədə Sky News yazıb.
Mənbənin sözlərinə görə, bu, Koninqsbi Hərbi Hava Qüvvələri bazasında yerləşən və mülki şəxslərə kömək məqsədilə ərzaq ianələrinin toplanması üçün nəzərdə tutulan obyektdir. Qeyd olunur ki, bir sıra hərbçilər “yemək və ya yanacaq” arasında seçim etmək məcburiyyətində qalırlar ki, nəticədə onların bəziləri öz bazasından evlərinə gedib ailələrini görmək imkanına malik deyillər.
Nəşrin həmsöhbəti onu da açıqlayıb ki, heyət arasında hərbi yeməkxanada güzəştli yemək ala bilməyənlər var.
Bundan əvvəl Britaniya hərbçiləri texnologiyanın vəziyyətindən şikayət etmişdilər. Onlar hesab edirlər ki, ölkə ordusunun dəyişdirilməsinə ehtiyac var, çünki orada əlli illik texnikadan istifadə olunur.
