Finlandiya və İsveç Türkiyə ilə danışıqları dayandırdı
Finlandiyanın xarici işlər naziri Pekka Haavisto bildirib ki, Finlandiya və İsveçin NATO-ya daxil olmaq üçün Türkiyə ilə apardığı danışıqlarda bir neçə həftəlik fasilə lazımdır.
AFN.az-ın xəbərinə görə, bu barədə "Reuters" açıqlama yayıb.
“Üçtərəfli danışıqlara qayıtmadan və harada olduğumuzu görməzdən əvvəl fasilə lazımdır. Mövcud vəziyyətdən sonra hər şey düzələnə qədər heç bir nəticə çıxarılmamalıdır... Düşünürəm ki, bir neçə həftəlik fasilə olacaq"-Haavisto belə deyib.
O qeyd edib ki, yanvarın 23-də Türkiyənin xarici işlər naziri Mövlud Çavuşoğlu ilə danışıb.
“Təbii ki, may ayının ortalarında keçiriləcək seçkilərdə onlar təzyiq altındadırlar və buna görə də Türkiyədə müzakirələr bir çox cəhətdən başa düşülən şəkildə artıb”, - Finlandiyanın XİN rəhbəri belə deyib.
Finlandiya naziri deyib ki, o, ölkəsinin və İsveçin NATO-ya ayrılıqda gedə biləcəyini düşünmək üçün heç bir səbəb görmür.
M.Vahidli
