BDU-nun kollektivi Beynəlxalq Yer Kürəsi Günü ilə bağlı ağacəkmə aksiyasında
Bakı Dövlət Universitetinin (BDU) kollektivi İDEA və Ekologiya və Təbii Sərvətlər Nazirliyinin Yaşıl Marafon kampaniyası çərçivəsində 22 aprel – Beynəlxalq Yer Kürəsi Gününə həsr olunan ağacəkmə aksiyasında iştirak edib.
Tədbir zamanı iştirakçılar tərəfindən Bakının Müşfiqabad qəsəbəsində 1000-dən çox ağac əkilib.
Ağacəkmə aksiyasında ETSN yanında İctimai Şuranın nümayəndələri, Bakı Dövlət Universiteti, Azərbaycan Dövlət Pedaqoji Universiteti, Azərbaycan Diplomatik Akademiyası, Bakı Modern Təhsil Kompleksi və Sumqayıt şəhərindəki N.Tusi adına 12 nömrəli məktəbin müəllim, tələbə və şagirdləri iştirak ediblər.
