Bu xanım Azərbaycanda ilkə imza atıb - FOTOLAR
Həyatın ağır yükünə dözməyərək sınan, əyilən, əzilən qadınlar çox olsa da, tam əksi, həyatın yükünü mərdi-mərdanə, qeyrəti və zəhməti ilə çiyinlərində alnıaçıq, üzüağ, alın təri ilə daşıya bilən nümuməvi xanımlarımız da az deyil.
AFN xəbər verir ki, belə xanımlardan biri Xaçmaz rayonunda yaşayan, atasızlıq hiss etdirmədən, həm ata, həm ana əziyyəti ilə 3 oğul böyüdən Leyla Fətəlidir. Leyla xanım bütün maddi və mənəvi çətinliklərə qatlanaraq biznes layihələrə, təlimlərə qoşulub, səyyar saç kəsimi ilə bəlkə də ölkədə yeniliyə imza atıb. Xaçmaz rayonunda velobərbər xidməti ilə məşğul olan Leyla xanım həm evindən çıxıb salona gedə bilməyən xanımlara 1 zənglə xidmət edir, həm də sözün həqiqi mənasında alın təri ilə 3 oğul böyüdür.
