İftar mərasimində BÖYÜK QALMAQAL: Səfir Gülənçini görüb restoranı tərk etdi
Türkiyə XİN Qırğızstanda qalmaqalda adı hallanan səfiri Kamil Fəratı dəstəkləyib.
Cebhe.info xəbər verir ki, səfirlə bağlı qalmaqal Qırğızıstan Müsəlmanları İdarəsinin təşkil etdiyi iftar mərasimində qeydə alınıb.
Nazirlik yaydığı bəyanatda bildirib ki, Türkiyə FETÖ teror təşkilatı ilə ciddi şəkildə mübarizə aparır: "Biz gözləyirik ki, təkcə dost ölkələrin dövlət qurumları yox, milli institutları da məsələyə belə yanaşacq".
Qırğızıstan XİN indiyə qədər məsələyə münasibət açıqlamayıb.
Xatırladaq ki, qalmaqal 8 mayda Bişkekdəki "Dəsmiyə" restoranında baş verib. Türkiyə səfiri mərasimə Gülən tərəfdarı, "Sapat" məktəblər şəbəkəsinin sabiq direktoru Orxan İnanın da dəvət olunduğunu görüb mərasimi tərk edib. Bundan sonra diplomat "Ramazanda terrorçunu dəvət etmək nə deməkdir? Bu, nə müftilikdir? Mən sizə 35 milyonluq məscid tikdim, ancaq siz məni terrorçu ilə bir sıraya qoyursunuz",- deyib. Səfirin dediyi sözlər videoya alınıb.
