Danimarkada yeni hökumət hələ də qurulmayıb
Danimarkada martın 24-də keçirilən ümumi seçkilərin üzərindən 45 gün keçməsinə baxmayaraq, yeni hökumətin formalaşdırılması ilə bağlı danışıqlar hələ də davam edir.
AFN.az xəbər verir ki, Danimarkanın DR yayım şirkətinin məlumatına görə, seçkiləri birinci sırada tamamlayan Sosial-Demokratlar Partiyasının lideri və mövcud Baş nazir Mette Frederiksenin müzakirəçi qismində apardığı 45 günlük danışıqlar heç bir nəticə verməyib.
Danimarka Krallığının seçkiləri ikinci sırada bitirən Danimarka Liberal Partiyasının (Venstre) lideri və Müdafiə naziri Troels Lund Poulseni yeni müzakirəçi təyin etdiyi, yeni hökumətin ən qısa zamanda qurulmasının gözlənildiyi bildirilir.
Sosial media hesabı vasitəsilə açıqlama verən Poulsen müzakirələrə bazar ertəsi günü başlayacağını qeyd edərək, bunun çətin bir vəzifə olduğunu, lakin işə başlamağı səbirsizliklə gözlədiyini və hər kəsin qarşılıqlı güzəştə hazır olmalı olduğunu vurğulayıb.
Təxminən 6 milyon əhalisi olan Danimarkada seçicilər martın 24-də 179 yerlik parlamentin üzvlərini müəyyən etmək üçün səs veriblər.
Seçkilərdə 12 partiya iştirak edib, xalq həmçinin Qrenlandiya və Farer adalarından hər birindən 2 nümayəndə seçib.
Seçki nəticələrinə əsasən, Sosial-Demokratlar 84, Danimarka Liberal Partiyası 77, Moderaterne Partiyası isə 14 mandat qazanıb.
