İspaniya MB: İran ətrafındakı münaqişə inflyasiyanı 6 faizə qaldıra bilər
İspaniya Mərkəzi Bankı ölkədə inflyasiyanın cari ildə təxminən 6%-ə çata biləcəyi barədə xəbərdarlıq edib.
AFN.az xarici mediaya istinadən xəbər verir ki, bankın hesabatına görə, İran ətrafındakı münaqişənin uzanması enerji bazarlarında ciddi fasilələrə səbəb olarsa, inflyasiya 2026-cı ildə 5,9%-ə, 2027-ci ildə isə 3,2%-ə yüksələ bilər.
Eyni zamanda, Yaxın Şərqdəki hadisələr fonunda İspaniyanın 2026-cı il üçün ÜDM artımı proqnozu 2,3%-ə endirilib. Milli Statistika İnstitutunun məlumatına görə, mart ayında ölkədə illik inflyasiya yanacaq qiymətlərinin artması səbəbindən 3,3% təşkil edib.
