Tramp sabah Mamdani ilə görüşəcək
ABŞ Prezidenti Donald Tramp Nyu-York bələdiyyə başçılığı seçkilərində qalib gəlmiş Demokrat namizəd Zohran Mamdani ilə sabah görüşəcəyini açıqlayıb.
Bu barədə məlumatı o sosial media hesabında paylaşıb. Tramp qeyd edib ki, görüşün 21 noyabr cümə günü Oval Ofisdə keçirilməsi barədə razılaşıblar.
Qeyd edək ki, Tramp Fox News-ə verdiyi müsahibədə Mamdaninin onunla yaxşı davranmalı və Vaşinqtona hörmət göstərməli olduğunu bildirmişdi.
Xatırladaq ki, bələdiyyə seçkisinin ilkin nəticələrinin açıqlanmasından sonra Tramp seçkilərin saxtakarlıqla keçirildiyini və Demokratların Nyu-Yorkda “kommunist” namizəd seçdiyini iddia etmişdi.
