Kallas Qrenlandiyaya təhlükəsizlik zəmanətləri ilə bağlı suala cavab verməyib
Avropa diplomatik xidmətinin rəhbəri Kaja Kallas Aİ ölkələrinin Danimarka və Qrenlandiya ilə həmrəy olduğunu bəyan edib, lakin ABŞ-ın hücumu zamanı bu ölkələr üçün Aİ-nin mümkün təhlükəsizlik zəmanətləri barədə cavab verməkdən yayınıb.
AFN.az xəbər verir ki, Kopenhagendə Aİ xarici işlər və müdafiə nazirlərinin qeyri-rəsmi görüşünə gəldikdən sonra o, Danimarka jurnalistlərinin Aİ-nin hansı xüsusi təhlükəsizlik zəmanəti verdiyinə dair suallarını cavablandırıb.
“Biz Qrenlandiyanın hərəkətlərini, nə qərar verməsindən asılı olmayaraq, tam dəstəkləyəcəyik. Aİ üzvü kimi Danimarkanı da tam dəstəkləyirik, Danimarka ilə tam həmrəyik”, - deyə o bildirib. Bu sualdan sonra Kallas dərhal vidalaşaraq mediaya münasibətini kəsməyə çalışsa da, jurnalistlər ona başqa mövzularda daha bir neçə sual veriblər.
