Ərdoğan: Zəngəzur dəhlizi Türkiyənin iqtisadi əlaqələrinə təkan verəcək
Zəngəzur Nəqliyyat Dəhlizi layihəsinin həyata keçirilməsi Türkiyə, Azərbaycan və Ermənistan arasında iqtisadi əməkdaşlığa yeni rəng verəcək.
AFN.az xəbər verir ki, bunu Türkiyə prezidenti Rəcəb Tayyib Ərdoğan xalqa müraciətində deyib.
"Zəngəzur dəhlizi layihəsi sülh layihəsidir. Onun həyata keçirilməsi Türkiyə, Azərbaycan və Ermənistan arasında iqtisadi əməkdaşlığa yeni ölçü verəcək", - deyə Ərdoğan bildirib.
Avqustun 22-də Türkiyədə Zəngəzur dəhlizinin nəqliyyat sisteminin tərkib hissəsi olacaq və respublikanın şərqindəki Qars şəhərini Azərbaycanın Naxçıvan bölgəsi ilə birləşdirəcək 224 kilometrlik dəmir yolunun təməlqoyma mərasimi keçirilib. Layihənin həyata keçirilməsinin maksimum beş il çəkəcəyi gözlənilir və 2,4 milyard avro dəyərində qiymətləndirilir. Dəmir yolu xəttinin işə salınması ilə illik təxminən 5 milyon insan və 15 milyon ton yük daşınacaq.
