ABŞ Senatı USAİD-in, NPR və PBS-in ləgvi ilə bağlı qanun layihəsini təsdiqlədi
ABŞ Senatı dövlətin xaricə yardım və ictimai yayımçıları NPR və PBS üçün 9 milyard dollarlıq maliyyə xərclərini ləğv edən qanun layihəsini təsdiqləyib.
AFN.az xəbər verir ki, bu xərclər artıq ABŞ büdcəsinə daxil edilmişdi, ona görə də onları ləğv etmək üçün Ağ Evin Nümayəndələr Palatasının və Senatın dəstəyinə ehtiyacı var idi.
CNN-in məlumatına görə, ABŞ Beynəlxalq İnkişaf Agentliyinin (USAİD) fəaliyyəti üçün Dövlət Departamentinə ayrılan 7,9 milyard dollar indi federal büdcəyə, eləcə də ABŞ İctimai Yayım Korporasiyasına göndərilən 1,1 milyard dollar geri qaytarılacaq. Bu məbləğ, demək olar ki, tamamilə korporasiyanın iki illik büdcəsinə uyğundur, onun vasitəsilə NPR və PBS hökumətdən maliyyə alır.
İyunun 4-də ABŞ prezidenti Donald Tramp Konqresə hökumətin xarici yardım və NPR və PBS üçün maliyyə xərclərini ləğv etmək tələbi göndərib. NPR ABŞ-ın 797 radiostansiyasını, PBS isə 50 ştatda 354 qeyri-kommersiya televiziyasını birləşdirir.
