ABŞ-da iki Çin vətəndaşı casusluq ittihamı ilə saxlanıb
ABŞ rəsmiləri iki Çin vətəndaşını casusluqda şübhəli bilinərək həbs edib. Onlar ABŞ Hərbi Dəniz Qüvvələrinin şəxsi heyəti və bazaları haqqında məxfi məlumat toplamaqda, habelə ABŞ hərbçilərini Çinin Dövlət Təhlükəsizlik Nazirliyinə işə cəlb etməkdə ittiham edilirlər.
AFN.az xəbər verir ki, bu barədə "Fox News" ABŞ Ədliyyə Departamentinə istinadən məlumat yayıb. "İki Çin vətəndaşı ABŞ Hərbi Dəniz Qüvvələrinin şəxsi heyəti və bazaları ilə bağlı kəşfiyyat məlumatları toplamaqla, eləcə də Çin Dövlət Təhlükəsizlik Nazirliyinin tapşırıqlarını yerinə yetirmək üçün digər hərbi personalı cəlb etməklə Çin hökumətinin agenti kimi fəaliyyət göstərdiklərinə görə ciddi ittihamlarla üz-üzədirlər", - deyə telekanalın məlumatında bildirilir.
Ədliyyə Departamentindən verilən məlumata görə, hər iki məhbus FTB və ABŞ Dəniz Cinayət Axtarış Xidməti tərəfindən həbs edilib: biri Oreqonda, digəri Hyustonda. Onlar ABŞ-da Çin kəşfiyyatı üçün bir sıra tapşırıqları yerinə yetirməkdə, o cümlədən ölü puldan istifadə edərək pul köçürməsini təşkil etməkdə ittiham olunurlar.
