İsrail Suriyadakı iki hərbi bazaya hücum edib
İsrail Müdafiə Qüvvələri (IDF) Suriyanın Tadmor və T-4 bazalarında strateji hərbi hədəflərə hücum edib.
AFN.az yerli mediaya istinadən xəbər verir ki, bu barədə qurumun mətbuat xidmətinin məlumatında bildirilir.
"Bir müddət əvvəl İsrail Müdafiə Qüvvələri Suriyanın Tadmor və T-4 hərbi bazalarında qalan hərbi strateji hədəflərə zərbələr endirib", - deyə açıqlamada qeyd edilir.
Bildirilir ki, ordu İsrail vətəndaşları üçün hər hansı təhlükəni aradan qaldırmaq üçün fəaliyyətini davam etdirəcək.
