Bayden Papa Fransisklə görüşəcək
ABŞ prezidenti Co Bayden 9-12 yanvar 2025-ci il tarixlərində İtaliyaya səfər edəcək və Roma Papası Fransisklə yanaşı, İtaliya rəsmiləri ilə də görüşəcək.
2025-ci il yanvarın 20-də vəzifəsini Donald Trampa təhvil verəcək Bayden, səlahiyyət müddətinin sonuna yaxınlaşdığı vaxtda Papa Fransisk ilə görüşəcək.
Ağ Evdən verilən açıqlamaya görə, Bayden 9-12 yanvar tarixlərində İtaliyaya səfəri zamanı Roma Papası Fransisk, İtaliya prezidenti Sercio Mattarella və İtaliyanın baş naziri Giorgia Meloni ilə görüşəcək.
