Aİ TikToka Rumıniyadakı seçkilərlə bağlı məlumatları dondurmağı əmr edib
Avropa İttifaqı TikTok sosial şəbəkəsinə Rumıniya seçkiləri ilə bağlı məlumatları dondurmaq əmri verib.
AFN.az xəbər verir ki, bu barədə Aİ-nin bəyanatında bildirilir. Aİ rəsmiləri Avropada dünyanın ən böyük sosial media şirkətlərini tənzimləyən Rəqəmsal Xidmətlər Aktı çərçivəsində saxlama əmri veriblər.
"Reuters"in məlumatına görə, bu addım Rusiyayönlü siyasətçi Kalin Corcescunun noyabrın 24-də keçirilmiş prezident seçkilərinin birinci turunda qələbə qazanmasından sonra ABŞ-ın Rumıniyadakı seçkilərə mümkün xarici müdaxilə ilə bağlı narahatlığını artırdığı gün atılıb.
Rumıniya parlament seçkilərində ifrat sağçı partiyalar da yaxşı çıxış ediblər.
