Bill Qeyts Harrisi dəstəkləyən təşkilata 50 milyon dollar bağışlayıb
Bill Qeyts ABŞ-ın vitse-prezidenti və Demokratlar Partiyasından prezidentliyə namizəd Kamala Harrisin namizədliyini dəstəkləyən qeyri-kommersiya təşkilatına maddi dəstək olub.
“The New York Times”ın (NYT) xəbərinə görə, o, Kamala Harrisin prezidentliyə namizədliyini dəstəkləyən “Future Forward” qeyri-kommersiya təşkilatına təxminən 50 milyon dollar bağışlayıb.
Mənbələr Qeytsin Nyu-Yorkun keçmiş meri Mayk Blumberq kimi insanlarla ianə ilə bağlı danışdığını qeyd edib və "Bloomberg"in də bu təşkilata oxşar ianə etdiyini bildirib.
Qeyts NYT-yə açıqlamasında Harrisin namizədliyinə ianə və dəstək kimi mövzulara toxunmayıb, lakin 2024-cü il prezident seçkilərinin digərlərindən fərqli olduğunu bildirib.
Qeyts ABŞ-da və dünyada səhiyyənin yaxşılaşdırılması, yoxsulluğun azaldılması və iqlim dəyişikliyi ilə mübarizədə açıq öhdəliklər nümayiş etdirən namizədləri dəstəklədiyini bildirib.
"Bloomberg"in sözçüsü və "Future Forward" təşkilatı məsələ ilə bağlı şərh verməkdən imtina ediblər.
