Cənubi Koreya və Böyük Britaniya: Şimali Koreyanın Rusiyaya qoşun göndərməsini pisləyirik
Cənubi Koreyanın xarici işlər naziri Ço Tae-yul və Seulda olan Böyük Britaniyanın xarici işlər naziri Devid Lammi Şimali Koreyanın Rusiyaya dəstək olaraq Ukraynaya əsgər göndərdiyi iddiaları ilə bağlı birgə açıqlama verib.
“Biz Şimali Koreyanın qeyri-qanuni silah tədarükünü davam etdirməsini və Moskvanın Ukraynadakı qeyri-qanuni müharibəsini dəstəkləmək üçün Rusiyaya qoşun göndərməsini qəti şəkildə pisləyirik”, - deyə bəyanatda bildirilib.
Bəyanatda Rusiyanın əsgər və silah göndərilməsi müqabilində Şimala nə təmin etdiyinə nəzarət edildiyi və Moskvanın nüvə və ya ballistik raket texnologiyalarının Pxenyana mümkün transferindən dərin narahat olunduğu vurğulanıb.
Bəyanatda həmçinin Hind-Sakit okean və Avro-Atlantik regionlarının təhlükəsizliyinin bir-birinə bağlı olduğu qeyd edilib və Cənubi Koreya və Böyük Britaniyanın Moskva və Pxenyanın qarşısını almaq üçün beynəlxalq ictimaiyyətlə birlikdə tədbirlər görməyə qərarlı olduqları bildirilib.
Mənbə: AA
