Hindistanda "Samsung" işçilərinin 1 aydan çox davam edən tətili başa çatıb
Hindistanda maaşların artırılması və iş şəraitinin yaxşılaşdırılması tələbi ilə "Samsung Electronics" işçiləri sentyabrın 9-da başladıqları tətili dayandırıblar.
BBC-nin məlumatına görə, etirazlara rəhbərlik edən fəhlə həmkarlar ittifaqı Hindistan Həmkarlar İttifaqları Mərkəzi (Citu) elan edib ki, işçilər şirkətlə danışıqlardan sonra tətili dayandırmaq qərarına gəliblər.
Citu nümayəndəsi E.Muthukumar BBC-yə verdiyi açıqlamada bildirib ki, "Samsung" rəhbərliyi işçilərlə daha yüksək maaşlar, tibbi sığorta və daha yaxşı imkanlar kimi bütün əsas tələblərlə görüşmək qərarına gəldiyi üçün etirazı dayandırmağa qərar verilib: "Şirkətlə danışıqlar davam edəcək".
Muthukumar bildirib ki, bir aydan çoxdur tətil edən "Samsung Electronics" işçiləri sabahdan yenidən işə başlayacaqlar.
Tamil Nadu əyalət hökuməti də tətilin bitdiyini təsdiqləyib və "Samsung"un işçilərin təqdim etdiyi tələblərə yazılı cavab verəcəyini bildirib.
"Samsung Electronics" məsələ ilə bağlı verdiyi açıqlamada işçilərin tətili dayandırmaq qərarını alqışladığını bildirib.
