Cənubi Koreya Pxenyana pilotsuz təyyarələr göndərməsi xəbərini təkzib edib
Koreya Respublikası Pxenyana vərəqələr yaymaq üçün pilotsuz təyyarələr göndərməyib.
Bu barədə "Yonhap" agentliyi Koreya Respublikası Silahlı Qüvvələrinin Baş Qərargah Rəisləri Komitəsinə istinadən məlumat yayıb.
"Ordu Şimala pilotsuz təyyarələr göndərməyib" - deyə komitənin açıqlamasında bildirilib.
KXDR Xarici İşlər Nazirliyi daha əvvəl bildirib ki, Koreya Respublikası oktyabrın 3, 9 və 10-da dronlardan istifadə etməklə təbliğat materialları yayıb.
