3,6 milyard insanın ildə ən azı 1 ay kifayət qədər suya çıxışı yoxdur
Ümumdünya Meteorologiya Təşkilatı (WMO) dünyada 3,6 milyard insanın ildə ən azı 1 ay suya kifayət qədər çıxışı olmadığını və 2050-ci ilə qədər bu rəqəmin 5 milyardı ötəcəyinin gözlənildiyini bildirib.
WMO-nun qlobal su ehtiyatlarının vəziyyəti ilə bağlı hesabatında son 5 ildə çaylarda suyun və istifadəyə yararlı suyun miqdarının azaldığını, buzlaqların son 50 ildə ən böyük kütləvi itkiyə məruz qaldığını vurğulayıb.
2027-ci ilə qədər su ilə əlaqəli təhlükələr üçün erkən xəbərdarlıq sistemlərini dəstəkləmək üçün hidroloji dəyişənlərin qlobal məlumat toplusunu yaratmağı hədəfləyən hesabatda hazırda 3,6 milyard insanın suya kifayət qədər çıxışı olmadığı və bu rəqəmin 2050-ci ilə qədər 5 milyardı keçəcəyi qeyd edilib. Hesabatda bu problemin həlli üçün təcili tədbirlərin görülməsinin vacibliyi də vurğulanıb.
Mənbə: DHA
