Dünyanın ən yaşlı insanı öldü
2023-cü ilin yanvarında dünyanın ən yaşlı insanı olaraq qeydə alınan 117 yaşlı Maria Branyas İspaniyanın Olot şəhərində vəfat edib.
Branyasın ailəsi X hesabındakı paylaşımlarında 117 yaşlı qadının İspaniyanın Olot şəhərində öldüyünü açıqlayıb.
Qərargahı ABŞ-da yerləşən Gerontologiya Araşdırma Qrupunun verdiyi açıqlamada Branyasın ölümündən sonra 116 yaşlı yaponiyalı Tomiko İtuokanın dünyanın ən yaşlı insanı ola biləcəyi bildirilib.
4 mart 1907-ci ildə ABŞ-ın San-Fransisko şəhərində anadan olan Branyas 2023-cü ilin yanvarında 118 yaşında fransalı Lucile Randon vəfat etdikdən sonra Ginnesin Rekordlar Kitabı (GWR) tərəfindən dünyanın ən yaşlı insanı seçilib.
Mənbə: AA
