Qəssam Briqadaları: Qəzzada İsrail ordusunun qərargahına hücum etdik
HƏMAS-ın hərbi qanadı İzzəddin əl-Qəssam Briqadaları İsrail ordusunun qurudan girdiyi Qəzza şəhərinin Şucaiyye rayonundakı qərargahına hücumda çox sayda İsrail əsgərinin öldüyünü və yaralandığını açıqlayıb.
Qəssam Briqadalarının Telegram hesabından verilən açıqlamada İsrail ordusunun Şucaiyyedə qurduğu qərargahlara hücum edildiyi bildirilib.
Hücum zamanı çoxlu sayda İsrail əsgərinin öldüyü və yaralandığı, bu insanları təxliyə etmək üçün bölgəyə vertolyotun endiyi bildirilib.
Qəssamın əvvəlki açıqlamasında Şucaiyyedə İsrail əsgərlərinin minaatanlarla hədəf alındığı bildirilmişdi.
Qəzza zolağının cənubundakı Rəfah şəhərinin Tel əs-Sultan bölgəsində İsrail ordusuna aid iki Merkava tipli tankın "Yasin-105" raketləri ilə hədəfə alındığı bildirilib.
