ABŞ nəzarətsiz miqrasiya səbəbindən terror hücumları ilə üzləşə bilər - XƏBƏRDARLIQ
AFN.az xarici mediaya istinadən xəbər verir ki, ABŞ-ın istefada olan briqada generalı Blaine Holt bu istiqamətdə gözlənilən təhlükə barədə xəbərdarlıq edib.
“Ölkəmizdə terror aktları olacaq. Universitet şəhərciklərində baş verənlər (Qəzza zolağında münaqişə ilə bağlı etirazlar nəzərdə tutulur - red.) aysberqin görünən tərəfidir. Bu, açıq-aydın gələcək üçün təhdiddir" - deyə general qeyd edib.
General əlavə edib ki, nizamlanmayan miqrasiyaya görə terror təşkilatları və qruplaşmalarının üzvləri ABŞ-a daxil olur və bu səbəbdən də xarici münaqişələr ölkəyə "ötürülür".
Xatırladaq ki, mayın 5-də Nyu-Yorkda iki sinaqoq bomba təhlükəsi ilə bağlı xəbərlərə görə boşaldılıb.
