May ayına qədər bütün dünyada normadan yüksək temperatur gözlənilir
Ümumdünya Meteorologiya Təşkilatı (WMO) ötən il və bu il normadan artıq temperatur gətirən El Ninonun bu ilin mart və may ayları arasında normadan yüksək temperaturlara səbəb ola biləcəyini açıqlayıb.
Təşkilat bəyanatında 2023-cü ildən başlayaraq yüksək temperaturdan məsul olan El Nino iqlim modelinin təsirini bir qədər itirərək hal-hazırda zəiflədiyini, lakin qarşıdakı aylarda qlobal iqlimə təsir etməyə davam edəcəyini və insan fəaliyyəti nəticəsində yaranan istixana qazlarının tutulduğu temperaturun tüksələcəyini bildirib. "Mart və may ayları arasında demək olar ki, bütün quru ərazilərində normadan yüksək temperatur gözlənilir", - deyə açıqlamada bildirilir.
WMO-nun baş katibi Celeste Saulo bildirib ki, 2023-cü ilin iyun ayından etibarən hər ay yeni aylıq temperatur rekordu qırılıb və 2023-cü il indiyə qədər qeydə alınan ən isti il olub. "El Nino bu rekord temperaturlara töhfə verdi, lakin istilik saxlayan istixana qazları mübahisəsiz olaraq əsas günahkardır" - deyə baş katib vurğulayıb.
El Niño orta hesabla 2-7 ildən bir baş verir və adətən 9-12 ay davam edir. Sakit okeanın mərkəzi və şərq tropiklərində okean səthinin istiləşməsi ilə əlaqəli təbii olaraq meydana gələn iqlim hadisəsidir. Dünyanın müxtəlif yerlərində hava və fırtına nümunələrinə təsir göstərir. Lakin bu, insan fəaliyyəti nəticəsində dəyişən iqlim kontekstində baş verir.
