ABŞ-da evdə təşkil edilən ziyafətə basqın: maskalı şəxslər 4 nəfəri öldürdü
ABŞ-ın Kaliforniya ştatında maskalı və silahlı şəxslər bir evin bağçasında təşkil edilən ziyafətə basqın ediblər. Nəticədə 4 nəfər ölüb, 3 nəfər yaralanıb.
Kral Şəhər Polis İdarəsindən verilən açıqlamada dünən yerli vaxtla saat 18:00 radələrində silahlı hücum xəbərinin daxil olduğu bildirilib.
3 maskalı təcavüzkarın bir evin bağçasında keçirilən şənliyə basqın edərək camaata atəş açaraq 4 nəfəri öldürdüyü qeyd edilib.
Açıqlamada hücumda yaralanan 3 nəfərin xəstəxanaya aparıldığı, şəxsiyyəti məlum olmayan hücumçuların avtomobilləri ilə hadisə yerindən qaçdığı bildirilib.
Hücumla bağlı istintaq başladılıb.
