ABŞ-da tək mühərrikli təyyarə mobil ev parkına düşüb
ABŞ-ın Florida ştatında tək mühərrikli təyyarə mobil ev parkına çırpılıb.
Federal Aviasiya İdarəsindən verilən açıqlamada, dünən yerli vaxtla saat 19:00 radələrində Beechcraft Bonanza V35 tipli tək mühərrikli təyyarənin Clearwaterdəki mobil ev parkına düşdüyü bildirilib.
Açıqlamada, pilotun daha əvvəl nasazlıq bildirdiyi təyyarənin qəzaya uğrayarkən bir evə çırpıldığı, baş verən yanğında ən azı 3 evin zərər gördüyü qeyd edilib.
Açıqlamada qəzada yaralanan və ölənlərin olduğu, ölənlərin dəqiq sayının hələlik məlum olmadığı bildirilib.
